ЖД билеты без комиссии в Казахстане

Интермодалды тасымалдар деген не?

2023 жылдан бастап «Жолаушылар тасымалы» АҚ жолаушыларға теміржол және автомобиль көлігін бір сапар аясында үйлестіре отырып, ыңғайлы интермодалды тасымалдарды ұсынады.

Интермодалды тасымалдар – «Жолаушылар тасымалы» АҚ қызметін дамытудың басым бағыттарының бірі. Біз интермодалдылықты көліктің бір түрінен екіншісіне қарапайым ауысу ретінде ғана емес, маршруттық желіні оңтайландыруға, көлік хабтарын қалыптастыруға және өңірлер мен теміржол инфрақұрылымы арасындағы тиімді байланысты қамтамасыз етуге бағытталған кешенді жүйе ретінде қарастырамыз.

Интермодалды тасымалдар бойынша жұмыс нені қамтиды?

Теміржол станциялары мен тораптарына жеткізу бағыттарын тиімді әзірлеу, әсіресе тікелей теміржол қатынасы жоқ өңірлерде;
Хабтық модельді қалыптастыру – онда ірі вокзалдар мен станциялар көлік түрлері арасындағы ауысу және логистикалық өзара байланыс орталығына айналады;
Маршруттық желіні оңтайландыру: қайталанатын бағыттарды қысқарту және жүктемесі төмен теміржол маршруттарының орнына «поезд + трансфер» логикасын құру;
Цифрлық платформалармен интеграция: бірыңғай билеттер, онлайн төлем, навигация және ақпараттық сервистер;
Тұрақты және ауқымды көлік қызметі моделін құру үшін өңірлік және жеке тасымалдаушылармен ынтымақтастық.

Мақсаттар мен міндеттер

Хабтық жүйені дамыту
Астана, Алматы, Шымкент, Павлодар, Қостанай сияқты негізгі көлік тораптарын қалыптастыру және дамыту — теміржол, автомобиль және қажет болған жағдайда әуе көлігін ыңғайлы ұштастыру мүмкіндігін қамтамасыз ету.
Теміржол желісінің қолжетімділігін арттыру
Шағын елді мекендер мен курорттық аймақтардан жолаушыларды жақын маңдағы станцияларға жеткізу арқылы біз жаңа теміржол желілерін салмай-ақ, ЖД желісінің қамту аймағын кеңейтеміз.
Ресурстарды оңтайландыру және рентабельділікті арттыру
Интермодалды шешімдер жылжымалы құрам мен инфрақұрылымды тиімді пайдалануға, тиімсіз бағыттар бойынша шығындарды азайтуға, сонымен бірге жоғары қолжетімділікті сақтауға мүмкіндік береді.
Халықтың мобильдігін арттыру және ішкі туризмді дамыту
Елдің Бурабай, Алакөл, Балқаш, Баянауыл және басқа да туристік әрі әлеуметтік маңызы бар орындарына қолжетімділікті қамтамасыз ететін икемді әрі жайлы маршруттарды құру.

Вагоннан вагонға ауысып жүру (Вагон+Вагон)

«Жолаушылар тасымалы» АҚ интермодалды тасымалдарды дамыту аясында Германияның Deutsche Bahn сарапшыларымен бірлесіп «Вагоннан вагонға ауысып жүру (вагон+вагон)» атты жаңа қызмет түрін енгізді. Бұл қызмет жолаушыларға бір пойыздың ішінде ауысып отыру арқылы билеттерді сатып алуға мүмкіндік береді. Әсіресе қажетті күнге тікелей билет болмаған жағдайда бұл өте қолайлы.

«Вагон+вагон» арқылы ауысып жүру деген не?

Бұл — бір пойызға екі бөлек билет сатып алып, аралық станцияда бір вагоннан екіншісіне ауысу мүмкіндігі.
Мысалы, Астанадан Алматыға тікелей бағытқа орын болмаған жағдайда, жолаушы Ағадыр станциясына дейін бір вагоннан билет сатып алып, Ағадырдан Алматыға дейін сол пойыздың басқа вагонына билет рәсімдей алады.

🚆 Ұлттық тасымалдаушы bilet.railways.kz сайтында «Вагон+вагон арқылы ауысып жүру» атты жаңа қызметті іске қосты.

🤝 Бұл жоба интермодалды тасымалдарды дамыту аясында Германияның Deutsche Bahn сарапшыларымен бірлесіп жүзеге асырылды.

🛠 Қызмет қалай жұмыс істейді?

Жолаушы bilet.railways.kz сайтына кіреді.
Маршрут пен сапар күнін таңдайды.
Егер тікелей билет болмаса, жүйе автоматты түрде ауысып жүрудің балама нұсқаларын (пойыз+пойыз немесе вагон+вагон) ұсынады.
Қолжетімді нұсқаларды қарау үшін «Вагон+вагон арқылы ауысып жүру» бөлімін таңдау қажет.
Ұсынылған тізімнен қолайлы бағытты таңдау.
Билетті рәсімдеуді аяқтау үшін жеке деректерді енгізу.

Бұл қызмет тікелей билеттер болмаған жағдайда да жолаушыларға сапардың қолайлы балама нұсқаларын табуға мүмкіндік береді.

Қосымша ақпаратты 1433 тегін нөмірі арқылы алуға болады.

Қызметтің артықшылықтары:

Тікелей билеттер болмаса да, қажетті станцияға дейін жету мүмкіндігі
Бір пойыздың ішінде вагон ауыстыру арқылы ыңғайлы түрде сапарды жалғастыру
Жол уақытының қысқаруы және сапар жайлылығының артуы

«Вагон+вагон» және «Пойыз+пойыз» қызметтері енгізілген сәттен бері оларды 20 мыңнан астам жолаушы пайдаланды.

«Вагон+вагон» қызметі бір пойызға екі билет сатып алып, аралық станцияда бір вагоннан екіншісіне ауысуға мүмкіндік береді.

«Пойыз+пойыз» қызметі әртүрлі екі пойыз арасында ауысуды ұсына отырып, маршрут жоспарлау мүмкіндіктерін кеңейтеді және сапарды икемдірек етеді.

Сатылым жүйелерін интеграциялау

«ЖТ» АҚ Altyn Bank және DB Engineering & Consulting компанияларымен бірлесіп, пилоттық жоба аясында біріңғай билет енгізуде. Бұл жолаушыларға келесі мүмкіндіктерді береді:

Пойыз және автобус билеттерін бір уақытта сатып алу
20% жеңілдікпен билеттер рәсімдеу
Бүкіл маршрутты бір терезеден қарау
Бірлескен өнімге қол жеткізу: Altyn КТЖ картасы
Бонустар жинап, бірлескен адалдық бағдарламасын қолдану
Өз шығындары мен көлік бойынша жүріп-тұру статистикасын жүргізу

Автобусқа ауысу мүмкіндіктері

Интермодалды тасымалдар жобасын дамыту аясында «Жолаушылар тасымалы» АҚ пойыздан автобусқа ауысуға ыңғайлы маршруттар тізімін ұсынады. Сондай-ақ көрсетілген бағыттар бойынша автобус билеттерін онлайн сатып алу мүмкіндігі қарастырылған. Бұл қызмет Қазақстанның келесі қалаларында қолжетімді: Алматы (Сайран автовокзалы), Астана (Сапаржай автовокзалы), Қостанай (Саяхат автовокзалы), Лисаковск, Рудный, Орал, Павлодар.

Павлодар

Прибывающие в город Павлодар пассажиры могут продолжить свой путь на автобусах по следующим маршрутам:

«Павлодар- Караганда», до населенных пунктов: Калкаман, Экибастуз, Шидерты, Шикылдак, А.Маргулана, Молодежный, Караганда"
«Павлодар – Новосибирск», до населенных пунктов: Карасук, Красноозерское, Кочки, Ордынское, Новосибирск
«Павлодар – Омск», до населенных пунктов: Татарка, Черлак, Иртыш, Омск
«Павлодар – Барнаул», до населенных пунктов: Кулунда, Благовещенка, Родино, Романово, Мамонтово, Ребриха, Павловск, Барнаул